Joel Contrivida
Nag uwi uli ng Silver medal ang Batang Palawenyo Taekwondo athlete na si Mickhael Stefan De Leon sa National Best of the Best Taekwondo Championship, na ginanap ngayong araw (Sept 6) sa San Andres Gym sa Maynila.
Lumaban si De Leon sa Poomsae Event Cadet Male Division- Brown Belt laban sa 21 sumali, ikinatawan nya ang Limitless Taekwondo ni Coach Paul Romero, bilang isa sa piling atletang naimbitahang sumali.
Coach pa rin nya sina Miguel Baladad ng Far Eastern University at Nikki Oliva na mula naman sa University of the Philippines. Sa Puerto Princesa ay sinanay siya nina Bryan Aquino at Reymark Marianito ng Palawan Mustang Knights Taekwondo. Grade 6 student sa Holy Trinity University si De Leon, na taga Brgy. Manggahan.
